ANG Office of the Vice President sa pamamagitan ng OVP – Western Mindanao Satellite Office (OVP-WMSO) nito ay ginawaran kamakailan bilang nag-iisang Gold Awardee sa West Metro Synergy Night, isang gala event na nagpaparangal sa corporate, HMO, at government partners nito, na inorganisa ng West Metro Medical Center noong Hulyo 19, 2024.
Ang Gold Award ay ang pinakamataas na parangal ng West Metro na ibinigay sa OVP dahil tumatayo itong halimbawa ng mga mithiin ng kanilang organisasyon ng kahusayan at pagiging patient-centric sa paghahatid ng mga serbisyo sa pangangalagang pangkalusugan.
Ang OVP-WMSO ay nagpapasalamat sa West Metro Medical Center, isang Metro Pacific Hospital at isa sa mga nangungunang ospital sa Mindanao, sa pagiging aktibong partner service provider sa paghahatid ng mga serbisyo ng gobyerno at nang mas mailapit ito sa ating mga kababayan.
