NITONG Agosto 5, 2024, nag-ulat si Senador Miguel “Migz” Zubiri hinggil sa Create More Act sa kanyang Facebook page.
“Today, we co-sponsored the Create More Act — ang ating pag-amyenda sa Create Act, para magkaroon tayo ng mas maayos at mas epektibong taxation at tax incentives.
Maraming problema sa ating kasalukuyang tax system, tulad ng delay at denial sa mga VAT refund claims ng exports sector. Dahil dito, nawawalan ng kumpiyansa ang mga foreign investors sa ating bansa, at iniisip nilang lumipat na lang sa ating mga kapitbahay sa Asean. Kung ganito, babagsak ang ekonomiya ng ating bansa, at maraming Pilipino ang mawawalan ng trabaho.
Kaya naman sa Create More, naglatag tayo ng mas klarong mga proseso na makakatulong sa ating investments sector, at makakatulong na gumawa ng mga trabaho at oportunidad para sa mas maraming Pilipino.
