ALINSUNOD sa direktiba ni Pangulong Ferdinand R. Marcos Jr., nagtungo ngayong hapon, Oktubre 1, 2025 sa Command Center sa Bogo City, Cebu sina Department of National Defense (DND) Sec. Gilberto Teodoro, Department of Social Welfare and Development (DSWD) Sec. Rex Gatchalian, Department of Public Works and Highways (DPWH) Sec. Vince Dizon, at Department of Tourism (DOT) Sec. Christina Frasco upang personal na pangunahan ang pagtugon matapos ang magnitude 6.9 na lindol.
Ayon sa pinakahuling ulat, 69 ang nasawi at 186 ang sugatan. Patuloy ang search, rescue, at relief operations na pinamumunuan ng BFP at PNP. Nagsimula na rin ang mga ahensya ng pamahalaan maghatid ng pagkain, tubig, gamot, at agarang tulong sa mga apektadong komunidad.
