MASAYANG ibinalita ni Bise Presidente Sara Duterte na dumalo siya sa 2024 Regional Festival of Talents (RFOT) Northern Mindanao.
Aniya, “Ikinagalak ko po ang pagdalo sa pagbubukas ng unang araw ng 2024 Regional Festival of Talents (RFOT) na may temang “Galing, Talino at Husay ng mga Batang Makabansa sa Diwa ng Matatag na Adhika” na isinagawa sa The Working Congressman Sports & Cultural Center, Tudela, Misamis Occidental noong Abril 11, 2024.
“Ang 2024 RFOT ay naglalayong magbigay ng pagkakataon para sa mga mag-aaral mula sa pampubliko at pribadong paaralang elementarya at sekondarya gayundin sa mga nagmula sa Alternative Learning System (ALS), Indigenous Peoples Education (IPED), Special Needs Education Program (SNEd), at Madrasah Education Program (MEP) upang ipakita ang kanilang mga talento at kakayahan.
”Inihayag ko sa aking mensahe na ang pagdiriwang na ito na hindi lamang para ipagdiwang ang talento kundi maging isang testamento ng pagkakaisa, pagkakaibigan, at ang walang limitasyong potensyal na nasa loob ng bawat mag-aaral.
Bilang mga kinatawan ng kani-kanilang mga dibisyon, kayo ay kampeon na sa inyong sarili. Ang inyong pagkamalikhain at mga talento ay may malaking kapangyarihan upang magbigay ng inspirasyon sa pagbabago sa loob ng iyong komunidad. Patuloy sa pagningning, at ipanatili ang alab ng inyong puso tungo sa pagbabago.
”Ipinagmamalaki ng Office of the Vice President at ng Department of Education ang mga natatanging talento ng ating mga kabataang Pilipino. Sa loob ng balangkas ng Matatag Agenda, na ang aming misyon ay pagyamanin ang magkakaibang katalinuhan ng bawat mag-aaral.
Pinupuri ko ang Division ng Misamis Occidental sa pagtanggap sa hamon bilang host ng kaganapang ito, at ang Departament of Education-Region X sa kanilang patuloy na paghasa ng kahusayan ng ating mga mag-aaral.
Ipinaabot ko rin ang aking pasasalamat sa lahat ng mga guro at tagapagsanay na nagsikap upang matulungan ang ating mga mag-aaral. Kayo ang mga tunay na bayani, naniniwala sa bawat kakayahan ng mga mag-aaral.
Lubos din po akong nagpapasalamat sa isinulat at inialay na kanta ng 5MERS band para sa akin. Ang grupo ay binubuo ng mga teachers, head teachers at principals ng DepEd Misamis Occidental Division.
Pinaagi sa 2024 RFOT, padayon natong i-selebrar ang panag-hiusa sa tanan ug ang pagpasundayag sa mga talento sa mga kabaton-onan sa Northern Mindanao.”
