MASAYANG ibinalita ni Senator Sonny Angara sa kanyang Facebook page na mayroon na uling MRI at CT Scan ang Philippine Children’s Medical Center (PCMC), hindi na kailangan ilipat ang mga pasyente na nangangailangan nito sa mga kalapit na ospital. Ang ginhawang ito para sa mga batang pasyente at kanilang mga magulang ay nasakatuparan sa pamamagitan ng P425M na ipinasok natin sa 2023 budget ng Philippine Children’s Medical Center sa tulong nina Senators Pia Cayetano at Bong Go.
Ang PCMC ay may kapasidad ng hanggang 20 pasyente kada araw para sa MRI at hanggang 30 naman para sa CT Scan. Para i-avail ito, mag-inquire sa numerong 02-8-588-9900 to 20 at mobile # 09178356458. #AlagangAngara
