SA pagdiriwang ng Philippine Space Week, pinangunahan ni Pangulong Ferdinand R. Marcos Jr. ang 8th Philippine Space Council meeting kung saan iprinisenta ng Philippine Space Agency (PhilSA) ang mga update sa space science and technology initiatives sa bansa.
Kasama sa mga hakbang na natalakay ay ang Multispectral Unit for Land Assessment o MULA Satellite na binuo ng 16 na Pilipinong inhinyero sa United Kingdom. Nakatakda itong ilunsad sa October 2025 hanggang March 2026 sa pakikipagtulungan sa SpaceX, upang makapaghatid ng impormasyong magagamit para sa disaster resilience, environmental conservation, at seguridad ng bansa.
