IMINUNGKAHI ni Senador Raffy Tulfo sa Department of Social Welfare and Development (DSWD) na taasan ang kanilang burial assistance. Dagdag pa niya, gawing one-stop shop ang ahensya para hindi na kailangang magmakaawa kung saan-saan ng mga nangangailangan ng tulong.
Giit ni Sen. Tulfo, wag nang hayaang mamalimos sa mga politiko ang ating mga kababayan upang maipalibing ang kanilang mga mahal sa buhay.
Kaugnay nito, naghain si Sen. Idol ng Senate Bill No. 1695 o “Free Funeral Services Bill” na layong i-libre ang libing para sa mga mahihirap.
