SA ginanap na budget hearing ngayong Lunes, October 7, para sa proposed 2025 budgets ng PSC at GAB, binigyang-diin ni Senator Bong Go ang kahalagahan ng Republic Act No. 11470, na nagtatag ng National Academy of Sports sa New Clark City sa Tarlac. Isa siya sa mga co-sponsor at author ng batas na ito na nagbibigay ng oportunidad sa mga student-athletes na makapag-aral at mag-training nang sabay.
“Walang masa-sakripisyo, pwede silang mag-aral, at the same time, mag-training,” ayon kay Senator Bong Go. Kasama niya sa pagsulong ng batas sina Senators Sherwin Gatchalian, Sonny Angara, at Pia Cayetano.
Layunin ng NAS na palakasin ang grassroots sports development program ng bansa at siguraduhing magamit ang mga pasilidad na itinayo para sa mga atletang Pilipino.
