IDINAOS nitong ika-5 ng Nobyembre 2025, sa Bulwagang Pantanghalan ng Central Bicol State University of Agriculture (CBSUA) ang isang pampublikong konsultasyon hinggil sa nirebisang Ortograpiyang Bikol, na layuning mapalalim at mapalawak ang kaalaman ng mga guro, manunulat, at mga tagapagsulong ng wika sa rehiyon.
Dumalo sa aktibidad sina Atty. Marites Barrios-Taran, tagapangulo ng Komisyon sa Wikang Filipino (KWF); Lourdes Hinampas, chief language researcher, puno ng Sangay ng Lingguwistika at Aplikadong Lingguwistika; at iba pang mga kawani ng Komisyon sa Wikang Filipino.Kasama rin sina Atty. Dominador Faurillo, VPAF, bilang kinatawan sa pangulo ng Central Bicol State University of Agriculture (CBSUA), Dr. Melinda Parro-Pan, vice president for Academic Affairs ng Central Bicol State University of Agriculture (CBSUA), at Dr. Leopoldo Transona, Jr. director ng Sentro ng Wika at Kultura ng Central Bicol State University of Agriculture (CBSUA).
