INIUTOS ni Pangulong Ferdinand R. Marcos Jr. ang agarang pagpapagawa ng nasunog na gusali ng San Francisco High School sa Quezon City at pagpalit ng mga nasirang gamit ng mga mag-aaral at guro. Direktiba rin ng Pangulo, inspeksyonin ang electrical systems sa mga lumang paaralan upang maiwasan ang ganitong insidente.
Sa pagbisita ni PBBM sa paaralan, ibinahagi niya ang mabilis na aksyon ng BFP na naapula ang apoy sa loob ng 30 minuto, maging ang agad na pagtugon ng school administration upang maipagpatuloy ang klase.
