NAGPASALAMAT si Sen. Francis “Kiko” Pangilinan sa mga. opisyal at kawani ng Provincial Capitol ng Benguet.
”Maraming salamat kay Vice Governor Marie Rose Fongwan-Kepes, sa buong Sangguniang Panlalawigan, at sa lahat ng lokal na opisyal at kawani sa mainit na pagtanggap sa atin sa Provincial Capitol ng Benguet.
”Ibinahagi natin ang kopya ng Sagip Saka Act na ating isinulong at naipasa para bigyan ng direktang merkado ang ating mga magsasaka at mangingisda. Sa pamamagitan nito, maaaring bumili ang mga LGUs at national government agencies ng kanilang mga produkto nang hindi na dadaan sa public bidding.
”Mahalaga ang full implementation ng Sagip Saka para masigurong tuloy-tuloy ang kita at kabuhayan ng ating mga magsasaka at mangingisda.”
