NATUTUWANG ibinalita ni Secretary Francisco “Kiko” Tiu Laurel Jr. ang naging karanasan niya sa public hearing ng Congressional Oversight Committee on Agriculture and Fisheries Modernization.
“Dumalo ako sa public hearing ng Congressional Oversight Committee on Agriculture and Fisheries Modernization (COCAFM) noong nakaraang linggo.
Ako ay nagagalak sa pagsuporta ng ating mga senador at mambabatas sa extension ng Rice Tariffication Law, lalo na sa pagdagdag ng pondo para sa RCEF.
“Bukod sa mekanisasyon at pagpapalakas ng seed production, sana ay aprubahan ang panukala ng DA na magamit ang pondo ng RCEF para sa iba pang agricultural projects gaya ng solar irrigation, water impounding, soil testing, at pest control. Napakahalaga ng mga suporta na ito upang mapalakas ang kita at produksyon ng ating mga magsasaka.
