INIHAYAG ni Pangulong Ferdinand R. Marcos Jr. ang kanyang paghanga sa overseas Filipinos sa Lao PDR habang nasa Vientiane para sa 44th and 45th ASEAN Summits and Related Summits.
Nagpasalamat si PBBM sa kanilang mabuting paglilingkod sa trabaho at pakikipag-ugnayan sa mga Laotian upang magbigay-dangal sa sambayanang Pilipino. Siniguro rin ng Pangulo ang patuloy na pagsisikap ng administrasyon na makapagbigay ng oportunidad sa Pilipinas, at maprotektahan ang kapakanan ng ating mga kababayan sa Lao PDR at iba’t iba pang bahagi ng mundo.
