“To fully attain the aspiration of this sector, we must continue to attract investors who share our values—those who respect our laws, those who respect our people, and those that respect our environment.”
Ito ang binigyang-diin ni Pangulong Ferdinand R. Marcos Jr. sa Mining Philippines 2025 International Conference and Exhibition na ginanap sa The Grand Hyatt Manila sa Bonifacio Global City, Taguig City, kasabay ng panawagan sa mga lider ng industriya na isulong ang responsable, inklusibo, at climate-resilient mining sa bansa.
Sa pagtitipon ng mga negosyante, local at foreign experts, at opisyal ng pamahalaan, inihayag ni PBBM na walang lugar ang iresponsableng pagmimina sa bansa, at tiniyak na magpapatupad ang administrasyon ng mahigpit na batas laban sa mga mapanirang gawain.
