PINANGUNAHAN ni Department of the Interior and Local Government (DILG) Secretary Atty. Benjamin “Benhur” Abalos Jr., ang Oath Taking ng mga Newly at Re-Elected Barangay Officials, kasama na ang mga SK Chairman ng 49 barangays ng Lungsod ng Tuguegarao na ginanap sa City Hall Grounds nitong Sabado, Nobyembre 25.
Ito ay dinaluhan din ng mga opisyal ng Pamahalaang Panlalawigan ng Cagayan sa pangunguna ni Provincial Administrator Atty. Ma Rosario Mamba-Villaflor bilang kinatawan ni Governor Manuel Mamba, PNP Regional Director PBGen Christopher Birung, DILG Regional Director Agnes De Leon, NaPolCom Regional Director Atty. Manuel Pontanal, BFP, dating 3rd District Congressman Randy Ting, City Administrator Juanito Calubaquib mga miyembro ng Ninth City Council at mga Department at Unit Heads ng LGU Tuguegarao.
