BINISITA ni Pangulong Ferdinand R. Marcos Jr. ang mga sundalong nagpapagaling sa Camp Siongco Station Hospital sa Maguindanao del Norte, at inabot ang P100,000 na pinansyal na tulong sa pitong tauhang nagtamo ng matinding pinsala.
Nagbigay din ng mensahe ang Pangulo sa mga hukbo ng 6th Infantry Division upang kilalanin ang kanilang mga kontribusyon sa seguridad sa Mindanao at anyayahan ang mga ito na siguruhin ang tapat at mapayapang halalan sa Bangsamoro sa susunod na taon.
