IBINAHAGI ni Education Secretary Sonny Angara ang kagalakan na maipagpatuloy ang nasimulang suporta sa pamamagitan ng Pambansang Museo, ngayon bilang Kalihim ng Kagawaran ng Edukasyon. Bilang attached agency ng DepEd, katuwang nito ang National Museum sa pagdaragdag ng mahahalagang kaalaman sa mga bata saan mang dako ng bansa.
Sabi ni Angara, “Sa ating bagong kapasidad maglingkod bilang kalihim ng DepEd, nagagalak tayo na maipagpatuloy ang nasimulang suporta sa pamamagitan ng Pambansang Museo, suporta na sinimulan pa ng aking ama na si dating Senate President Edgardo J. Angara. Bilang attached agency ng Kagawaran ng Edukasyon, katuwang natin ang National Museum sa pagdaragdag ng mahahalagang kaalaman sa mga bata saan mang dako ng bansa.”
