UNCLE, mahirap din pala na maging single for life.
Huh? Bakit mo nasabi yan, Juan?
Kasi, Uncle, may nagretire sa office namin na single, ang daming pera at properties, pero pinoproblema kung sakaling may mangyari sa kanya, kanino daw kaya mapupunta lahat ng naipundar nito. Kasi wala naman daw magmamana at wala nga namang naging asawa at anak.
Isa nga yan sa mga puedeng maging isyu lalo na kung hindi napagplanuhang mabuti kung ano ang dapat gawin at maiwasan ang mga negatibong situwasyon.
Sa Pilipinas, ayon sa huling survey ng Philippine Statisticsย Authority nung 2020, apat sa sampung Pilipino ang single at mas marami ang lalaking single kesa sa kababaihan.
Sa Asya, tulad sa Japan, Korea at Taiwan, tumataas din ang porsiyento ng mga single. Halimbawa, sa Taiwan, 50 porsiyento ng kanilang populasyon ay single.
Ang karaniwang dahilan kung bakit marami ang ayaw mag-asawa ay ang mailap na mga trabaho, ang kakulangan sa kita at mataas na halaga ng renta ng bahay. Ang iba namaโy talagang mas mahal nila ang indibidwalismo at ang pagtupad ng mga goals nila sa kanilang careers, trabaho at pagpapalago ng yaman.
Maraming financial advantages ang pagiging single. May sarili kang priorities, walang makikialam sa iyong pagba-budget, mas makakaipon ka kung gusto mo, hindi ka magkakaroon ng obligasyon sa utang ng iba, sarili mo ang mapupundar sa lahat ng pinaghirapan mo, at walang oposisyon sa mga desisyon mo tungkol sa investment lalo na kung mataas ang risk appetite mo.
May disadvantages din. Dahil mag-isa ang mga single na namumuhay at lalo na kungย lumabas na sa family home, mataas ang ang mga bayarin sa bahay, utilities at komunikasyon. Wala silang kahati sa gastusin kaya walang economies of scale na katulad ng kung may kasama ka.
Minsan mas magastos pa ang mga single kasi ang obligasyon nila ay sa pangsarili lamang kaya mataas ang gastos nila sa lifestyle at personal well-being. Walang nanguusig o nagtatanong kung tama ba o mali ang kanilang priyoridad. Kaya pagdating ng mga emergency o mga di inaasahang pangyayari na kailangang gumastos, ang mga single ay kalimitang nagkakaroon ng financial distress kasi mag-isa lang sila.
Mas mataas din ang income tax na binabayaran kasi wala silang mga tax exemptions tulad ng may pamilya na sinusuportahan.
Mas maganda din dapat ang health care insurance na dapat bayaran kasi mahirap umasa bilang matandaโt retired na single na may tutulong sa iyo pag nagkasakit.
Paano kaya yung mga single at retired na pero maraming kinita at naipon at maraming assets tulad ng real estate properties, paintings, jewelries at iba pa?
Walang pinagkaiba ito sa mga may-asawa at pamilya na nagretire at may kabuhayan o kayamanang naipundar. Dapat planuhin ng mas maaga kung ano ang gustong mangyari sa mga maiiwan kung sakaling kuhanin ka na ni Lord.
Kapag may asawa at may pamilya, sa batas, may siguradong kikilalaning compulsory heirs na magmamana. Ganun din pag single, maliban na lang kung wala na ring buhay na mga magulang at kapatid.
Kaya mahalaga na meron tayong tinatawag na estate plan para maprotektahan ang mga interests natin habang buhay pa at kung wala na.
Sa mga single at retired na, importante na gawin ang estate planning kesa magkagulo pa ang mga kapamilya dahil hindi klaro kung sino ang magdedesisyon sa mga financial na bagay lalo na kung malubha na ang sakit at kung sino ba talaga ang magmamana ng maiiwan kapag pumanaw na.
Mahirap na ang gobyerno ang magdedesisyon kung paano paghahatian ang personal na kayamanan kasi walang naiwang habilin sa pamamagitan ng pirmadong dokumento kung saan nakasaad kung anong gustong mangyari sa maiiwan.
Ito ang ilang mga tips:
- Kailangan mag-appoint, sa pamamagitan ng power of attorney,ย ng taong gagawa ng personal, financial at healthcare na desisyon para sa yo kung ikaw ay may sakit na at hindi mo na kaya ang magsabi ng gusto mo.
- Mataas ang tiwala mo sa taong ito. Kaya kadalasaโy kapatid o kapamilya ang natatalaga sa obligasyong ito. Habang buhay pa, itong kapatid o kapamilyang ito ay puede mo ding maging co-depositor sa mga bank accounts, investments at iba pa. Sila rin ang nakakaalam ng mga pinaglalagyan ng mga dokumentong pinansyal, titulo ng properties, alahas at iba pa. Para pag may nangyari, dahil wala ka namang asawa o anak na mapagsasabihan ng mga ganitong bagay, may magmamalasakit para hindi masyadong mahirapan sa pagsasaayos ng mga papel lalo na sa mga bangko.
- Tingnan din ang designated beneficiaries ng mga life insurance policies. Dapat aligned ito sa estate plan na may component na lalagdaang Will kung saan nakalista ang mga tao, kapamilya o kaibigan, Institusyon o sino man na gustong pagbigyan ng naiiwang kayamanan.
- Kumausap ng estate planning advisor o lawyer na tutulong na gumawa ng personalized na roadmap sa iyong future. Kasama na sa pagpili ng kung sino ang gusto mong pamanahan ay ang mga nais mo pa sa iyong end-of-life care, funeral arrangements, at iba pang legacies na hangad mo.
- May mga options din tungkol sa pagkakaroon ng Trust Fund kung saan dun kukunin ang lahat ng gagastusin tungkol sa pagkakasakit at sa anumang health and wellness na kailangan para mabuhay ng mas mahaba.
- Kailangan din pag-isipan ang mga babayaran na estate taxes ng maiiwananang kayamanan. Kadalasaโy dito nagkakaproproblema sa pagbabayad ang naiwang kapamilya o nabiyayaan ng pamana. Kaya sa estate plan, pag-usapang mabuti para hindi ito maging problema.
Juan, ano bang mas magandang kapalaran? Wala naman sigurong ganun. Single or married, isipin nating iisa lang pupuntahan nating lahat at kailangang magplano ng mabuti at mas maaga para hindi maging burden sa kahit kanino ang kung ano man ang maiiwan natin.