MAGHAHAIN ang House of Representatives ng motion for reconsideration na hahamon sa desisyon ng Korte Suprema na labag sa Konstitusyon ang rendering ng impeachment articles laban kay Vice President Sara Duterte.
Hinarang ng Korte Suprema noong Biyernes, Hulyo 25, ang napipintong paglilitis ng kasong impeachment kay VP Sara, at sinabing nilabag nito ang probisyon ng konstitusyon laban sa maraming paglilitis sa impeachment sa loob ng isang taon.
Ayon kay Princess Abante, ang tagapagsalita ng House, noong Linggo na magsasampa ang chamber ng motion for reconsideration “dahil ang desisyon ay batay sa mga premise o natuklasan na mali at salungat sa opisyal na rekord ng Kamara.”
Dagdag pa ni Abante, “Ginawa ng Kamara ang lahat para sundin ang mga alituntunin at prinsipyo ng ating Saligang Batas at mga naunang desisyon ng Korte Suprema. Kaya naman labis tayong nababahala sa tila mga bagong rekisitong ipinataw ng nasabing desisyon.”
“Isa sa mga pangunahing katotohanan sa desisyon ng Korte Suprema ay ang pagsasabing ang reklamong impeachment noong Pebrero 5 ay ipinadala sa Senado nang walang botohan sa plenaryo. Ito ay mali,” sabi niya.
Noong Peb. 5, “isang mosyon para sa House secretary general na i-endorso ang reklamo, na suportado ng mahigit isang katlo ng mga miyembro ng Kamara, sa Senado ay inaprubahan sa plenaryo,” sabi ni Abante.
Ang pagpapadala ng impeachment complaint sa Senado “ay malinaw na resulta ng aksyon sa plenaryo,” aniya.
Isinasaad ng Saligang Batas na kung ang napatunayang reklamo o resolusyon ng impeachment ay inihain ng hindi bababa sa isang katlo ng lahat ng mga miyembro ng Kamara, ito ay bumubuo ng mga artikulo ng impeachment, “at ang paglilitis ng Senado ay kailanang maipagpatuloy kaagad.”
Sinabi rin ni Abante na ayon sa Korte Suprema “nabigo ang Kamara na kumilos sa unang tatlong impeachment complaints na inihain noong Disyembre 2024. Hindi ito tama.”
Sinabi niya na sa parehong araw na ginawa ang aksyon sa reklamo noong Pebrero, ang plenaryo ng Kamara ay bumoto upang i-archive ang tatlong reklamong inihain noong Disyembre sa Kamara.
Dahil ang reklamo noong Pebrero ay nilagdaan at na-verify ng isang-katlo ng Kamara bago ito nag-adjourn ng sesyon, ito ang bumubuo sa Articles of Impeachment, at ang Kamara ay obligado na ipadala ito sa Senado para sa paglilitis, aniya.
Pinawalang-bisa ng Korte ang dokumento sa batayan ng angkop na proseso, dahil kinailangan itong suriin ng mga pumirma nito at i-refer muli sa plenaryo para sa pagboto, ani Abante. Dapat ay nabigyan ng kopya ang respondent sa reklamo bago ito isumite sa Senado.
Walang ganoong mga takda sa Konstitusyon o sa mga patakaran ng Kamara, aniya.
“Nirepaso rin ng Kamara ang napakahigpit na mga requirement na ipinataw ng Korte bago ang isang impeachment complaint ay sumulong. Ito ay mga requirement na kailangang amyendahan ang Konstitusyon at kumakatawan sa isang hindi katanggap-tanggap na panghihimasok sa mga eksklusibong kapangyarihan House of Representatives,” sabi ni Abante. Halaw sa ulat ng The Manila Times
