APATNAPU’T pitong atleta mula sa Pilipinas sa pangunguna ni wushu star Agatha Wong, wakeboarding ace Raph Trinidad at billiards sensation Rubilen Amit ang kakatawan sa Pilipinas sa 12th World Games sa Chengdu, China na itinakda sa Agosto 7 hanggang 17.
Ang World Games na gaganapin ngayong taon sa Chengdu, China ay isang kompetisyon sa mga sports na wala sa Olympic program at itinanghal mula noong 1981 kung saan ang Pilipinas ay nanalo na ng dalawang ginto, limang pilak at limang tansong medalya.
Ayon kay Philippine Olympic Committee (POC) president Abraham “Bambol” Tolentino,”We’re eyeing a significant improvement in these Chengdu World Games from the previous edition in Birmingham.”
Si Junna Tsukii ng Karate ay nanalo ng nag-iisang medalya—isang ginto—sa laro sa Birmingham na naantala ng pandemya noong 2022 habang ang reigning world 9-ball champion na si Carlo Biado ay naghari sa kanyang pet pool event sa Wroclaw (Poland) noong 2017.
“This is going to be the largest delegation in all World Games editions and I am praying for more medals, especially gold,” dagdag ni Tolentino.
Malaki ang pag-asa para sa 47 Pinoy na makikipagkumpetensiya para sa ginto sa 11-araw na torneo para sa non-Olympic sports kung saan ang ikalawang batch ng mga kinatawan ay lilipad ngayong Martes (Agosto 5) mula sa Manila at Hong Kong.
Dumating ang men’s floorball team sa Chinese city noong Linggo, Agosto para maramdaman nang maaga ang Xindu Xiangcheng Sports Center — ang malawak na lugar ng kumpetisyon na hugis lotus leaf mula sa itaas — na ang unang laro ay laban sa Latvia sa Agosto 7, Huwebes, 9 a.m..
Flag bearers
Inihayag din ni Tolentino na si wushu star Agatha Wong, isang two-time world championships silver medalist at five-time Southeast Asian Games winner, at si wakeboarding ace Raph Trinidad, gold winner sa IWWF Asia and Oceania Championships sa Pampanga noong Enero, ang magiging flag bearers sa parada ng mga atleta sa opening ceremony sa Agosto 7 sa Tianfu International Convention Center sa Chengdu.
Si Wong, 27, ay makikipagkumpitensya sa women’s taolu taijiquan bear hands and sword.
“I’m grateful to carry the flag. I feel so really blessed about the opportunity that I got for the first time to compete in the World Games,” sabi ni Wong, sa isang photo shoot program na inorganisa ng POC para sa mga atleta sa Chengdu-bound sa Rizal Memorial Coliseum noong Huwebes, Hulyo 31.
Kwalipikado siya para sa mga laro gamit ang kanyang silver medal sa 2023 World Wushu Games sa Texas.
Sa kabilang banda, sinabi ni Trinidad na inaabangan niya ang kanyang debut sa World Games.
“It will be my first time competing and I expect a tough competition. All world events are competitive, but I believe World Games will be more competitive, so it means a lot for me,” sabi ni Trinidad. “I am so thankful to be named flag bearer too.”
Aalis si Trinidad patungong Tianfu—ang pangunahing transport hub para sa mga international arrival—ngayong umaga ng Martes kasama ang mga atleta ng wushu na sina Agatha Wong at Jones Inso sakay ng Air China.
Mga pambatong atleta
Ang floorball ay binubuo ng 14 na Filipino habang ang Dragon Boat ay mayroong 12 atleta. Makakasama sa twice women’s world 10-ball champion si Rubilen Amit at ang mga kapwa pool ace na sina Jeffrey De Luna at Chezka Centeno, jiu-jitsu Kayla Napolis at Annie Ramirez, kickboxer Hergie Bacyadan at Muay’s Rudzma Abubakar, powerlifting Joyce Reboton at Reggie Ramirez, sambo’s Aislinn’ Yep, at Kim Beabang Yep. Quiambao, Maynard Pecson, John Patrick Ciron, at Merry Joy Trupa.
Ang wakeboarder na si Eric Ordonez ay aalis mula sa Hong Kong para sa isang maikling flight sa mainland ngayong hapon.
Ang pinakamalaking pagdating ay sa Miyerkules kasama ang 12-man dragon boat team, muay thai star Rudzma Abubakar, at ang duathlon team na pinamumunuan ni Kim Mangrobang na pawang papasok sa Athletes’ Village na tinaguriang “Chengdu Home”.
Susunod sa Biyernes ang star-studded batch ng billiards world champions na sina Rubilen Amit at Chezka Centeno, 10-ball specialist Jeff de Luna, at Asian Games medalists Annie Ramirez at Kaila Napolis ng jiu-jitsu. Halaw sa mga ulat ng The Manila Times
