MATAPOS magsampa ng graft at malversation complaints laban sa 20 opisyal ng Department of Public Works and Highways (DPWH) at mga blacklisted contractors sa Office of the Ombudsman nitong Huwebes, Setyembre 11, 2025, sinundan ito ng pagpapatalsik sa dalawang district engineers ng DPWH na sina Bulacan 1st District assistant engineers Brice Hernandez at Jaypee Mendoza nitong Biyernes, Setyembre 12, 2025. Nauna rito, pinatalsik din si regional director Henry Alcantara.
Ayon kay Public Works Secretary Vince Dizon, “Alcantara, Hernandez and Mendoza have already been dismissed from the DPWH. For others, the dismissal process has already started.”
Inakasuhan sila ng pagkukuntsabahan sa pag-certify ng “complete” ng mga depektibo at “guni-guning” flood control projects.
Sa Lunes, Setyembre 15, 2025, makikipagkita si Dizon sa Anti-Money Laundering Council para talakayin ang pag-freeze ng mga assets at forfeiture proceedings laban sa mga sangkot sa pag-kickback ng pera ng bayan.
Binigyang diin ni Dizon na ang accountability ay hindi lamang kaso sa korte at pagkakakulong kundi ang “pagbabalik ng bilyong halaga ng mga proyektong ninakaw sa kaban ng bayan.”
Mga sangkot sa unang batch na inireklamo sa Ombudsman
Nagsampa ng kasong graft si Sec. Dizon noong Huwebes sa Office of the Ombudsman laban sa mga opisyal ng kanyang departamento at mga kontratista kaugnay ng mga natuklasang ghost at substandard na flood control projects.
Kasama sa mga kaso ang malversation o paglustay sa pamamagitan ng palsipikasyon ng mga pampublikong dokumento; paglabag sa Republic Act (RA) 3019, o ang Anti-Graft and Corrupt Practices Act; at RA 12009, o ang New Government Procurement Act.
Ang mga akusado ay ang mga pinatalsik sa DPWH na sina Bulacan First District Engineering Office (DEO) engineer Henry Alcantara; Bulacan 1st DEO assistant engineers Brice Hernandez; at assistant engineer Jaypee Mendoza, 1st DEO. Ang iba pang akusado ay sina John Michael Ramos, construction section chief of the Department of Public Works and Highways (DPWH), Bulacan 1st DEO; Ernesto Galang, chief, planning and design section, DPWH Bulacan 1st DEO; Lorenzo Pagtalunan, OIC-chief, maintenance section, DPWH Bulacan 1st DEO; Norberto Santos, chief, quality assurance section, DPWH Bulacan 1st DEO; Jaime Hernandez, OIC-chief, maintenance section, DPWH Bulacan 1st DEO; Floralyn Simbulan, chief, administrative section, DPWH Bulacan 1st DEO; Juanito Mendoza, chief, finance section, DPWH Bulacan 1st DEO; Roberto Roque, head of budget unit, DPWH-Bulacan 1st District Engineering Office; Benedict Matawaran, head, procurement unit, DPWH Bulacan 1st DEO; Christina Mae Pineda, cashier I, DPWH Bulacan 1st DEO; Paul Tayson Duya, project engineer, DPWH Bulacan 1st DEO; Merg Jaron Laus, project engineer, DPWH Bulacan 1st DEO; Lemuel Ephraim Roque, project engineer, DPWH Bulacan 1st DEO; Ariay Domasig, project engineer, DPWH Bulacan 1st DEO; John Carlo Rivera, project engineer, DPWH Bulacan 1st DEO; John Benex Francisco, project engineer, DPWH Bulacan 1st DEO; at Jolo Mari Tayao, engineer II, DPWH Bulacan 1st DEO.
Sinampahan din ng kaso ang mga kontratista na sina Cezarah Rowena Discaya ng St. Timothy Construction Corp.; Mark Allan Arevallo, may-ari ng Wawao Builders; Sally Santos ng SYMS Construction Trading; at Robert Imperio, may-ari ng IM Construction Corp.
Nagbigay si Dizon ng kopya ng special audit report, na may petsang Aug. 25 ng DPWH-Internal Audit Service (IAS) at ng Commission on Audit tungkol sa maanomalyang flood control projects sa First Engineering District ng Bulacan.
ILBO mula sa DOJ
Nauna rito nag-isyu ang Department of Justice (DOJ), sa pamamagitan ng request ni Dizon, ng immigration lookout bulletin (ILBO) laban sa mga opisyal ng DPWH at mga kontratista na sangkot sa ghost at maanomalyang flood control projects.
Kasunod nito, hiniling din ni Dizon sa DOJ na mag-isyu ng ILBO laban kina dating DPWH secretary Manuel Bonoan; dating DPWH undersecretary Roberto Bernardo; Mayor Rene Maglangue ng Candaba, Pampanga; at mga opisyal ng MBB Global Properties Corp. na sina Macy Monique Maglangue, president; Sunshine Bernardo, corporate secretary; at Fatima Gay Dela Cruz, treasurer.
Kinumpirma ni Immigration spokesman Dana Sandoval nitong Huwebes na nasa watch list na ng bureau ang unang batch ng 26 na opisyal DPWH at mga kontratista.
Sa pagpapalabas ng ILBO, ipinaliwanag ni Sandoval na ang mga opisyal ng imigrasyon sa lahat ng pangunahing paliparan at daungan ay nasa ilalim ng mahigpit na utos na subaybayan ang mga nasa listahan ng ILBO “in view of the gravity of the allegations and the ongoing investigation, given that there is a strong possibility that the individuals named may attempt to evade legal processes by leaving the country.”
Ang 26 na mga opisyal ng DPWH at mga kontratista na nasa ILBO ay ang mag-asawang Cezarah Rowena “Sarah” Discaya at Pacifico “Curlee” Discaya II of Alpha & Omega General Contractor and Development Corp.; OIC-assistant regional director Henry Alcantara; OIC-district engineer Brice Ericson Hernandez; OIC-assistant district engineer Jaypee Mendoza; engineer Ernesto Galang, planning design section; engineer John Michael Ramos, construction section; engineer Norberto Santos, quality assurance and hydrology section; engineer Jaime Hernandez, maintenance section; Floraly Simbula, administrative section; Juanito Mendoza, finance section; engineer Benedict Matawaran, procurement unit; Alex Abelido, president, Legacy Construction Corp.; Ma. Roma Angeline Rimando, owner/manager, St. Timothy Construction Corp.; Allan Quirante, owner/proprietor, QM Builders; Erni Baggao, owner/proprietor, EGB Construction Corp.; Eumir Villanueva, president, Topnotch Catalyst Builders Inc.; Lawrence Lubiano, president, Centerways Construction and Development Inc.; Aderma Angelie Alcazar, president/CEO, Sunwest Inc.; Edgar Acosta, president, Hi-Tone Construction and Development Corp.; Wilfredo Natividad, owner/general manager, Triple 8 Construction & Supplies Corp.; Mark Allan Arevalo, general manager, Wawao Builders; Marjorie Samidan, authorized managing officer, MG Samidan Construction; Luisito Tiqui, president, L.R. Tiqui Builders Inc.; at Ryan Willie Uy, proprietor, Road Edge Trading & Development Services.
Ikalawang batch ng sasampahan ng reklamo
Sinabi ni Dizon na ang DPWH ay naghahanda ng pangalawang batch ng mga reklamo laban sa mga opisyal at kontratista sa Oriental Mindoro, kung saan siya mismo ang nag-inspeksyon sa mga proyektong substandard o nawawala kahit na nakalista sa 2024 national budget.
Kasama sa mga proyekto ang dike at esplanade sa kahabaan ng ilog ng Panggalaan at Mag-asawang Tubig, na nagkakahalaga ng pinagsamang P750 milyon.
Ang mga construction firm na nauugnay sa mag-asawang Cezarah Rowena “Sarah” at Pacifico “Curlee” Discaya II — St. Louis, MO Timothy at Elite General Contractors and Development Corp. — ay nahaharap din sa “perpetual ban” sa lahat ng proyekto ng gobyerno.
La Union, susunod na iimbestigahan ni Dizon
Hiniling ni Baguio City Mayor Benjamin Magalong kay Public Works Secretary Vince Dizon na imbestigahan ang mga flood control project sa ikalawang distrito.
Nakipagpulong din si Magalong sa mga kinauukulang residente ng La Union, na humiling din na imbestigahan ang mga proyekto para sa mga substandard na materyales at ang posibleng paggamit ng dummy contractors.Halaw sa mga ulat ng The Manila Times