INIULAT ni Pangulong Ferdinand R. Marcos Jr. sa isang video message nitong Huwebes na nakakuha na ng arrest warrants laban sa 10 katao kasama ng contractor na si Sarah Discaya, na sangkot sa P96.5 milyong ghost flood control project sa Davao Occidental.
Sa pinakahuling ulat ng President’s Report sa imbestigasyon ng korapsyon sa flood control, sinabi ni Pangulong Marcos Jr. na ang mga akusado sa Davao Occidental flood control scam ay nahaharap sa mga kasong hindi maaaaring pyansahan tulad ng graft and malversation at hindi maaaring mag-post ng bail para sa kanilang pansamantalang kalayaan bago ang trial.
“Ang mga akusado ay nahaharap sa kasong graft at malversation. Ito pong mga kasong ito, ay hindi po bailable. Hindi pwedeng bayaran para sila’y makalabas sa kulungan,” ayon sa Pangulo sa isang video message.
Sinabi ng Pangulo na kabilang sa mga inisyuhan ng mga warrant of arrest ay si Sarah Discaya, isa sa mga nangungunang kontratista sa likod ng mga kaduda-dudang proyekto sa flood control. Si Discaya ay kasalukuyang nasa ilalim ng kustodiya ng National Bureau of Investigation (NBI).
Sinabi ng Pangulo na walong opisyal ng Department of Public Works and Highways (DPWH) na sangkot sa kaso ang nagpahayag ng kanilang intensyon na sumuko sa mga awtoridad.
Binigyang-diin ni Pangulong Marcos na patuloy na isasampa ng gobyerno ang mga kasong kriminal laban sa lahat ng sangkot sa iskandalo ng pagkontrol ng baha.
Inulit ng Pangulo, na siyang nagpasimula ng imbestigasyon sa malawakang korapsyon sa pagkontrol ng baha at iba pang mga proyekto sa imprastraktura, ang kanyang pangako na managot at tiyakin ang pagbawi ng pondo ng publiko.
“Titiyakin po natin na hindi lamang sila ay makakasuhan, kundi maibalik ang pera ng ating mga kababayan ay ibalik sa kaban ng ating bansa,” Halaw sa ulat ng Presidentilal News Desk