LALO pang bumagsak ang real GDP growth noong unang quarter ng 2026 sa 2.8% mula sa 3.0% noong huling quarter ng nakaraang taon. Naitala nito ang pinakamababa nitong antas ng paglago mula noong pandemya. Ano ang mga dahilan ng tuloy-tuloy na pagbagsak ng ekonomiya? Makakabawi pa kaya ang bansa?
Noong unang quarter ng 2025, lumagapak ang paglago ng Gross Domestic Product (GDP) sa 2.8%, ang pinakamababang antas mula noong 2021. (Table 1)
Anu-ano ang mga dahilan ng pagbagsak na ito?
Una, ang gross capital formation (GCF) ay patuloy na nagdilim sa negatibong antas na -3.3%. Dahil ito sa iskandalo ng flood control projects na kung saan nadiskubreng malaking bahagdan ng pondo ay nawala sa korupsyon. Dahil dito, bumaba ang multiplier effect ng imprastruktura sa ekonomiya. Mas malaking pagbagsak ang naranasan noong nakaraang taon ngunit dahil di pa tapos ang mga imbestigasyon, nabawasan ang pondong inilaan sa imprastruktura.
Ikalawa, bumagsak ang exports dahil sa gulo sa Middle East. Dahil sa pagbomba ng Estados Unidos at Israel sa mga nuclear facilities ng Iran, naapektuhan ang galaw ng exports at imports at umakyat ang presyo ng langis at abono. Nakabawi naman nang bahagya ang imports kaya mas maraming sangkap ang maaaring magamit sa industriya. Bumaba rin sa 4.5% ang net primary income from abroad. Dahil ito sa gulo sa Middle East. Maraming OFWs ang hindi nakasakay sa kanilang mga biyahe dahil sa gulo sa mga airports at ang mga iba ay nawalan ng trabaho dahil sa pagbaba ng bilang ng mga turista na nagliliwaliw sa Middle East at Europa.
Ikatlo, nagsimula ang El Nino na nanalasa sa maraming bukirin noong unang quarter ng 2026. Inaasahang lalala pa ito sa mga susunod na buwan.
Dahil sa kaguluhang ito sa loob at labas ng bansa, at ng El Nino, dalawa sa tatlong sektor ng ekonomiya ay bumagal.
Ang agrikultura ay umurong ng -0.2%. Bumaba ang antas ng ulan at uminit ang panahon ng kuwaresma sa mga lugar na dating nakararanas ng tag-ulan. Dahil sa matinding init, bumaba ang huli ng mga palaisdaan.
Ang industriya ay umurong din ng -0.1%. Ang pinakamalaking pagbaba ay naranasan sa construction na umurong ng -2.8%. Patuloy ang paglago ng mining at quarrying (3.8%), manufacturing (0.5%), at electricity, steam, water and waste management (0.7%) ngunit mas mabagal ito kaysa sa nakaraang taon.
Tanging services sektor ang nakaranas ng pag-unlad ngunit ang antas nito ay mas mabagal kaysa sa noong nakaraang taon. Dahil ito sa pagtaas ng presyo ng langis at elektrisidad. Sa labing-isang subsektor ng services, pito ang umurong at apat lang ang lumago. Sa mga umurong, kabilang ang human health at social work activites (7.4%), wholesale at retail trade (4.6%), transportation at storage (4.4%), accommodation at food services activities (4.0%), other services (3.9%), financial at insurance activities (3.4%), at real estate at ownership of dwellings (3.3%). Sa mga lumago, kasali ang mga government services gaya ng public administration at defense (8.6%) , education (6.1%), at ang pribadong sector na gaya ng professional at business services ( 2.8%).
Dahil dito, sumalampak ang GDP growth sa 2.8% noong unang quarter ng 2026, ang pinakamababang antas ng paglago simula ng recovery mula sa COVID-19. .
Sa kabila nito, inaasahan ng International Monetary Fund (IMF) na babalik sa 5.8% ang GDP growth rate sa Pilipinas sa 2027. Inaasahang naayos na ng pamahalaan ang gusot sa governance na siyang malaking dahilan ng pagsadsad ng construction.
| Table 1. Gross National Income and Gross Domestic Product, by Expenditure | |||||
| (% Real Growth) | |||||
| 2024 – | 2025 | 2025 – 2026 | |||
| Expenditure | Q1 | Q2 | Q3 | Q4 | Q1 |
| 01. Household final consumption expenditure | 5.3 | 5.2 | 4.0 | 3.8 | 3.0 |
| 02. Government final consumption expenditure | 18.7 | 8.7 | 5.8 | 0.7 | 4.8 |
| 03. Gross capital formation | 4.5 | 0.9 | -2.0 | -9.4 | -3.3 |
| A. Gross fixed capital formation | 6.5 | 3.1 | 0.7 | -6.4 | -2.7 |
| 1. Construction | 7.1 | 0.9 | -0.2 | -9.2 | -4.5 |
| 2. Durable equipment | 8.3 | 11.8 | 2.1 | -1.7 | -0.1 |
| 3. Breeding stocks and orchard development | -4.1 | -2.0 | 1.1 | -2.3 | -1.9 |
| 4. Intellectual property products | 7.3 | 4.8 | 4.7 | 2.6 | 3.2 |
| B. Valuables | 18.0 | -14.0 | 53.8 | -6.6 | 92.8 |
| 04. Exports of goods and services | 7.1 | 4.9 | 7.8 | 13.3 | 7.8 |
| A. Exports of goods | 8.6 | 14.8 | 12.6 | 23.5 | 13.3 |
| B. Exports of services | 5.8 | -4.3 | 0.8 | 2.0 | 3.0 |
| 05. Less : Imports of goods and services | 10.3 | 3.6 | 3.2 | 3.2 | 6.1 |
| A. Imports of goods | 10.0 | 3.5 | 2.4 | 3.1 | 6.8 |
| B. Imports of services | 11.1 | 3.9 | 5.6 | 3.6 | 4.2 |
| Gross Domestic Product | 5.4 | 5.4 | 4.0 | 3.0 | 2.8 |
| Net primary income from the rest of the world | 22.2 | 31.7 | 15.8 | 11.9 | 4.5 |
| Gross National Income | 7.2 | 8.1 | 5.4 | 4.0 | 3.0 |
| Source: Philippine Statistics Authority | |||||
| Table 2. Gross National Income and Gross Domestic Product, by Industry | ||||||
| (% Growth) | ||||||
| 2024 – 2025 | 2025 – 2026 | |||||
| Industry | Q1 | Q2 | Q3 | Q4 | Q1 | |
| Agriculture, forestry, and fishing | 2.2 | 7.0 | 2.9 | 1.0 | -0.2 | |
| Industry | 4.6 | 2.1 | 0.7 | -0.3 | -0.1 | |
| 01. Mining and quarrying | 2.1 | -1.3 | 5.0 | 5.1 | 3.8 | |
| 02. Manufacturing | 4.3 | 2.5 | 1.3 | 1.8 | 0.5 | |
| 03. Electricity, steam, water and waste management | 2.7 | 0.7 | -0.6 | 0.8 | 0.7 | |
| 04. Construction | 7.1 | 2.1 | -0.3 | -6.0 | -2.8 | |
| Services | 6.2 | 6.9 | 5.5 | 4.9 | 4.5 | |
| 01. Wholesale and retail trade; repair of motor vehicles and motorcycles | 6.4 | 5.3 | 5.0 | 4.7 | 4.6 | |
| 02. Transportation and storage | 9.4 | 8.7 | 4.1 | 4.8 | 4.4 | |
| 03. Accommodation and food service activities | 6.0 | 6.8 | 4.8 | 5.8 | 4.0 | |
| 04. Information and communication | 5.0 | 3.9 | 3.4 | 3.7 | 4.4 | |
| 05. Financial and insurance activities | 6.9 | 5.5 | 5.5 | 5.6 | 3.4 | |
| 06. Real estate and ownership of dwellings | 3.7 | 5.9 | 4.3 | 4.3 | 3.3 | |
| 07. Professional and business services | 5.3 | 5.6 | 6.2 | 2.6 | 2.8 | |
| 08. Public administration and defense; compulsory social security | 2.8 | 12.9 | 6.6 | 4.1 | 8.6 | |
| 09. Education | 6.6 | 12.0 | 6.4 | 5.3 | 6.1 | |
| 10. Human health and social work activities | 11.4 | 10.4 | 13.2 | 11.4 | 7.4 | |
| 11. Other services | 6.9 | 7.1 | 4.4 | 7.6 | 3.9 | |
| Gross Domestic Product | 5.4 | 5.4 | 4.0 | 3.0 | 2.8 | |
| Net primary income from the rest of the world | 22.2 | 31.7 | 15.8 | 11.9 | 4.5 | |
| Gross National Income | 7.2 | 8.1 | 5.4 | 4.0 | 3.0 | |
| Source: Philippine Statistics Authority | ||||||