NAG-ULAT si Senate Majority Leader Joel Villanueva sakanyang Facebook page tungkol sa mga nangyari sa Senado nitong Mayo 6, Lunes.
Aniya, “Sa sesyon ngayong Lunes, pinasa po ng inyong Senado sa third and final reading ang conversion ng Mountain Province State Polytechnic College para maging Mountain Province State University maging ang walong mga local bills na naglalayong lumikha ng mga karagdagang Regional, Metropolitan at Municipal Trial Courts sa iba’t ibang lugar sa bansa.
“Nagkaroon rin po tayo ng diskusyon tungkol sa ilang mahahalagang paksa kagaya ng isyu sa West Philippine Sea at ang availability ng mga anti-venom drugs sa mga ospital sa bansa. Sinimulan na rin po natin ang period of interpellations ng Blue Economy Act.”
