NAGBIGAY ng kanyang paninindigan si Senator Francis Tolentino tungkol sa nakaraang mas agresibong mga aksyon ng China.
“Iginiit nating muli na napapanahon na para pulungin ang National Security Council, sa harap ng mas agresibong mga aksyon ng China. Naninindigan din tayo na dapat singilin ng kumpensasyon ng pamahalaan ang China para sa mga pinsalang idinulot ng insidente sa mga barko ng PH Coast Guard sa Escoda Shoal.
“Bilang pangunahing may akda at sponsor ng Philippine Maritime Zones Bill at Philippine Archipelagic Sea Lanes Bill, patuloy nating isinusulong ang multilateral mechanisms para resolbahin ang mga isyu sa pagitan ng Pilipinas at China.”
