PAGKATAPOS ng hearing Kay Sheila Guo sa Senado, nag-post si Senador Risa Hontiveros sa kanyang Facebook page.
”Naniniwala daw ba ako kay Sheila Guo?
“May mga inamin siya that checks out with the information we previously gathered. Pero may mga sinabi parin siyang kaduda-duda.
”She may still be hiding something and we still detected some lies. Mahirap paniwalaan na totally wala siyang idea kung saan sila papunta. Mahirap din paniwalaan na hindi niya alam kung bakit pumirma siya sa napakaraming mga dokumento ng mga negosyo nila.
”Pwedeng nagsisinungaling, nagmamaang-maangan, o talagang ignorante. But as I said during the hearing, kahit man dinoktor ng tatay-tatayan nila ang mga dokumento nila nung kabataan nila, they have long been adults now and very able to correct those wrongs. Either way, anupaman ang sabihin nya, kung hindi ito tugma sa ebidensya, she will still be held liable.
“Walang sinasanto ang mga taong ito. Sarili nilang kasamahan, na sinasabi pang kapamilya, iniwan sa ere at mukhang si Shiela ang sasalo ng lahat ng sisi hanggang di mahuli si Alice Guo.
“Nanawagan din ako kay Sheila na huwag pumayag na magpagamit sa mas malakas na pwersa at makipagtulungan na sa awtoridad. Hindi pa huli ang lahat.”
