MASAYANG nagpasalamat si Senate President Chiz Escudero sa resulta ng nakaraaang Pulse Asia Survey.
Sabi niya, “Ang resulta ng survey ay repleksyon lamang ng dedikasyon ng Senado na maipasa ang mga batas na mahalaga sa mga tao at magbigay-linaw sa mga isyung nakakaapekto sa mabuting pamamahala at sa pagpapatupad ng batas.
“Kami ay nagpapasalamat sa pagkilala sa aming mga gawain. Ang aking pangako bilang Pangulo ng Senado ay tiyakin na ang Senado ay patuloy na magtatrabaho para sa bayan—magpasa ng mga panukala na magpapadali sa buhay ng ating mga kababayan, tutulong sa ating pag-unlad, at magpapagaan sa kanilang mga pasanin.”
