SA 127th Philippine Navy Anniversary sa Subic, muling binigyang-diin ni Pangulong Ferdinand Marcos Jr. ang layuning protektahan ang teritoryo at maritime zones ng bansa sa pamamagitan ng patuloy na pakikiisa sa international defense at security efforts.
Sa seremonya, pinarangalan din ni PBBM ang mga natatanging miyembro ng Navy: si Intelligence Specialist 3rd Class Jeff Villanueva bilang Enlisted Personnel of the Year, Architect Sherwin Cornejo bilang Civilian Human Resource of the Year, at sina Corporal Jestoni Dalman at Private First Class Jaypee Navales dahil sa pagsagip sa isang batang nalulunod—mga huwaran ng katapangan at malasakit sa kapwa.
