ASAHAN ang pagdating ng pulis sa loob ng 5 minuto sa Metro Manila at palalawakin pa sa buong bansa.
Ayon kay Philippine National Police (PNP) Chief P/Gen. Nicolas Torre III, ito’y tugon sa direktiba ni Pangulong Ferdinand Marcos Jr. na gawing mas mabilis at abot-kamay ang serbisyo ng kapulisan.
Sa isang press briefing ng Palasyo ngayong Miyerkules, sinabi ni Torre na maaaring makipag-ugnayan ang publiko sa pulisya sa pamamagitan ng 911 emergency hotline, na tinitiyak na tutugon ang mga yunit ng pulisya sa loob ng limang minuto.
“Dial 911, kami ay darating sa loob ng limang minuto,” sabi ni Torre.
