PINAGTIBAY ni Pangulong Ferdinand R. Marcos Jr. ang pagtutok ng pamahalaan sa kalusugan ng mga Pilipino sa kanyang pagbisita sa mga pasyente ng National Kidney and Transplant Institute (NKTI) at paglulunsad ng PhilHealth benefit package para sa adult at pediatric post-kidney transplant patients.
Ayon kay PBBM, kasunod ng pagtaas ng transplant coverage mula P600,000 tungong P2.1 milyon at pag-abot ng halos P1 milyong benepisyo para sa dialysis, simula Hulyo 5 ay may bago nang package na sasagot sa maintenance medicines at lab tests ng kidney transplantees, pati na rin sa suporta para sa kidney donors.
