DATI ko pang ipinaglalaban sa Senado noon na gawing bukas sa publiko, o at least sa mga accredited NGOs at CSOs, at pati sa media, ang bicameral conference ng budget measure.
Isa sa 10 priority bills ko na ipa-file simula Hunyo 30 ang isang panukalang batas para gawing transparent ang bicam ng national budget. Sana ay may maging counterpart bill sa Kamara ang panukala ko sa Senado.
Umaasa ako na maaaring maisakatuparan ito ngayong 20th Congress kasi iyan din ang naging panawagan ni Speaker Martin Romualdez kamakailan lang.
