PINALALAWAK pa ng pamahalaan ang mga programa, pinabibilis ang mga proseso, at pinalalalim ang suporta sa sektor ng pabahay, ayon kay Pangulong Ferdinand R. Marcos Jr.
Sa National Housing Expo 2025, ibinahagi ni PBBM ang mga benepisyong bukas para sa lahat, gaya ng tulong sa pabahay sa ilalim ng 4PH Program, at abot-kayang housing loan ng Pag-IBIG Fund para sa mga kababayan nating maliit ang kita.
Dagdag ng Pangulo, ngayong National Shelter Month, maghahandog din ang gobyerno ng Notices of Approval sa mga pamilyang pinagkalooban ng Certificates of Entitlement, sa bisa ng mga Presidential Proclamation, upang pormal nang mapasakanila ang lupang matagal na nilang tinitirahan.
