NAGBIGAY ng direktiba si Pangulong Ferdinand Marcos Jr. sa Department of Public Works and Highways (DPWH) na bawasan ng hanggang 50% ang gastos sa construction materials, at ilaan ang tinatayang P30–45 bilyon na matitipid sa iba pang serbisyo kagaya ng kalusugan,edukasyon, at pagkain.
Muling pinagtibay ni Pangulong Marcos noong Sabado ang kanyang pangako na palakasin ang burukrasya ng bansa, na gagawin itong “more responsive, accountable, and transparent” (“mas tumutugon, nananagot, at malinaw”) sa paglilingkod sa mga Pilipino.
Sa kanyang pagsasalita sa Villamor Air Base sa Pasay City bago ang kanyang pag-alis para sa ika-47 Association of Southeast Asian Nations (Asean) Summit and Related Summits in Malaysia, binigyang-diin ni Pangulong Marcos ang kanyang mga direktiba sa iba’t ibang ahensya ng gobyerno na tiyaking ang mga pampublikong pondo ay ginagastos nang naaangkop at patas.
Binigyang-diin ng Pangulo ang patuloy na pagsisikap ng DPWH na masusing repasuhin ang mga proyekto at kontrata nito, na may malaking pokus sa pagpapanagot sa mga sangkot sa katiwalian.
Ayon sa Pangulo, matapos suriin ang mga presyo ng mga materyales sa konstruksyon para sa mga proyekto, natuklasan ng DPWH na ang ilang mga bagay tulad ng aspalto, mga bakal na baras, at semento, ay umabot sa 50 porsyento ang sobrang presyo.
“In order to ensure that the costs of DPWH will reflect the costs of the market and to ensure that the people’s money is correctly spent, I have directed the DPWH Secretary to bring down the cost of materials by as much as 50 percent, which will result in savings in the capital outlay spending of at least PhP30 to 45 billion,” sabi ng Pangulo.
Dagdag pa ni Pangulong Marcos, ang natipid na pondo ay itutuon sa mga mahahalagang sektor tulad ng kalusugan, edukasyon, at pagkain.
Bukod pa rito, binigyang-diin din ng Pangulo na muling babaguhin ng Bureau of Internal Revenue (BIR) ang mga prayoridad nito upang matiyak na ang mga indibidwal na sangkot sa mga iregularidad kaugnay ng mga proyekto sa pagkontrol ng baha ay ganap na mananagot sa ilalim ng batas.
Dagdag pa ng Pangulo, itataguyod ng gobyerno ang pagiging patas sa sistema ng pagbubuwis, at sisiguraduhin sa mga micro, small, and medium enterprises (MSMEs) at malalaking korporasyon na legal na nagbabayad ng kanilang mga buwis na sila ay tratuhin nang makatarungan.
“We are just moving the focus from the MSMEs and from the auditing of large corporations. We are moving those efforts towards these questionable projects that we have been able to find,” sabi ni Pangulong Marcos Jr..
Binanggit din ng Pangulo na inatasan ng Kagawaran ng Pananalapi (DOF) ang BIR na suriin ang posibilidad ng pag-exempt sa mga partikular na segment ng nagbabayad ng buwis mula sa obligasyon na magbawas at mag-remit ng mga creditable withholding tax, at gawing simple at pababain ang naaangkop na mga creditable withholding tax rates.
“With this, we hope to provide relief to the majority of our taxpayers burdened by complex tax compliance requirements without revenues to be foregone,” sabi ng Pangulo. Halaw sa ulat ng Presidential Communications Office
