INANUNSYO ng Department of Science and Technology-National Capital Region (DOST-NCR) na magsasagawa ito ng serye ng online review classes para sa mga kukuha ng DOST-Science Education Institute (DOST-SEI) Undergraduate Scholarship Exam.
Ito ay sa nalalapit na paglabas ng DOST-SEI sa darating na ika-30 ng Enero 2026 ng listahan ng mga mag-aaral na kwalipikadong kumuha ng naturang pagsusulit.
Narito ang iskedyul ng online review classes:
• February 4 (Miyerkules) | 6:30PM – 9:00PM Creative Reasoning, Language, and Literature
• February 10 (Martes) | 6:30PM – 9:30PM Biology and Physics
• February 12 (Huwebes) | 6:30PM – 9:30PM Chemistry and Earth Sciences – Space Science
• February 17 (Martes) 6:30PM – 8:00PM Mathematics (Part I)
• February 19 (Huwebes) 6:30PM – 8:00PM Mathematics (Part II)
Para sa mga interesadong sumali, mangyaring mag-register sa link na ito: https://bit.ly/DOSTNCRreviewclass.
Ipamamahagi naman ang test permit para sa mga kwalipikadong kumuha ng pagsusulit sa Pebrero 1-9, 2026 habang ang mismong pagsusulit ay isasagawa sa Pebrero 21-22, 2026.
Para sa iba pang impormasyon, mangyaring sundan ang Facebook accounts ng DOST-NCR at DOST-SEI, pati na ang kanilang website: https://www.sei.dost.gov.ph/. Rosemarie C. Señora; DOST-STII
