SA gitna ng tensyon sa Gitnang Silangan, tiniyak ni Pangulong Ferdinand R. Marcos Jr. na nananatiling normal ang presyo ng mga bilihin at sapat ang suplay sa bansa.
Pinangunahan ng Pangulo ang joint price at supply monitoring ng DA at DTI sa Agora Public Market sa San Juan City, kung saan kinumpirmang walang price gouging at maayos ang pagsunod ng mga vendor sa itinakdang presyo.
Tiniyak din ni PBBM na magpapatuloy ang mahigpit na pagbabantay upang mapanatiling abot-kaya ang bilihin at maprotektahan ang bawat pamilyang Pilipino.
