YOY inflation noong Abril 2026 rumatsada

BAKIT  rumatsada ang year-on-year (YOY) inflation noong Abril 2026? Ano ang gagawin  ng Bangko Sentral ng Pilipinas at iba pang miyembro ng economic team para maibsan ang epekto ng inflation?

Ang YOY inflation ay tumaas sa 7.2% noong Abril 2026 mula sa 4.1% noong nakaraang buwan at 1.4% noong Abril 2025. Ito ang pinakamabilis na inflation mula noong Marso 2023. Dinala nito ang average na year-to-date (YTD) inflation sa 3.9%, malapit sa itaas na dulo ng 2.0-4.0% inflation target ng gobyerno. Ang inflation rate noong Abril ay lumampas sa 5.5% median estimate ng mga private  sector analyst at ang BSP forecast range na 5.6% hanggang 6.4% para sa buwan.

Sabay-sabay umakyat ang YOY inflation ng lahat ng commodity groups. Sumobra sa doble ang inflation ng transport na umakyat mula sa 9.9% sa 21.4% at  pagkain mula 2.9% noong Marso sa 6% noong Abril. Halos doble naman ang sa housing, water, electricity, gas at other fuels na rumagasa mula sa 4.7% noong Marso sa 8.2% sa Abril. Isang percentage point ang pag-akyat ng restaurants at accommodation services at mas mababa sa kalahating percentage point ang pagtaas ng mga ibang items. (Table 1)

Dahil ito sa pagragasa ng presyo ng langis na umakyat mula sa US$66.89 bawat bariles noong Abril nakaraang taon sa US$106 ngayong Abril 2026, 58.5% na paglago.

Aling commodities ang nag-contribute sa YOY inflation na ito? Ang pinakamalaking pagtaas ay galing sa non-food na nagtulak ng 4.86 percentage point sa inflation.  Sinundan ito ng pagkain na nag-ambag ng 2.27 percentage point. Sa pagkain, ang pinakamalaki ay galing sa bigas (1 percentage point), isda (0.58 percentage point)) vegetables (0.28 percentage point).  Sa mga non-food items, ang mga pinakamalaki ay galing sa transport (1.97 percentage point), housing, water, electricity, gas, at other fuels (1.01 percentage point), clothing at footwear, at restaurants at accommodation services (parehong 0.58 percentage point). (Table 2)

Sa MOM Inflation naman, umakyat ng 2.6% ang mga presyo noong Abril kumpara sa mga antas nito noong Marso. Ang nagtala ng pinakamataas na MOM inflation ay ang transport na umakyat ng 10.0%. Sinundan ito ng housing, water, electricity, gas at other fuels na rumagasa ng 4.0%; alcoholic beverages at tobacco ng 1.3%; restaurants at accommodation services ng 1.2%; at health services at personal care goods at services ng parehong 0.6%.

Ang mga malalaking share sa consumer basket ang nagpabigat sa pasanin ng consumer. Ang pinakamalaki ng impact sa pasaning ito ay galing sa non-food items (2.02 percentage point) at pagkain ( 0.57 percentage point). Sa mga food items, bigas at karne and nagtulak sa MOM inflation ng 0.47 at 0.10 percentage point, respectively. Pinagaan naman nang kaunti ng vegetables (-0.06 percentage point). Sa mga non-food items, pinakamabigat ang dating ng transport (0.92 percentage point); housing, water, electricity, gas at water (0.50 percentage point);  at restaurants (0.12 percentage point).

Dahil dito, pinaigting ang mga programa ng pamahalaan para maibsan ang epekto nito.

Tinanggal ng pamahalaan ang excise tax ng liquefied petroleum gas at kerosene, ang fuel na ginagamit karamihan ng mga mahihirap. Ang savings sa 11-kilo na tangke ay aabot sa P36.96 at P5.56 kada litro naman ang bawas sa presyo ng kerosene.

Ang mga programa ng pamahalaan ay inilunsad para tulungan ang mga naapektuhan ng delubyo ng langis. Nagtayo ng cash relief assistance na P5 libo para sa mga public utility drivers, P10 libo kada sasakyan ang mga bus operators, P1 billion na net service contracting program na inilunsad noon Abril 15 para bayaran ang jeepney at bus operators bawat kilometro samantalang bibigyan ng mga komyuter ng 20% buong araw na diskuento sa pamasahe, at libreng sakay sa mga Love Bus sa Metro Manila, Metro Cebu, at Metro Davao.