IPAKITA ang pasasalamat at pagmamahal para sa ating mga guro. Halina’t samahan ang Kagawaran ng Edukasyon mula Setyembre 5 hanggang Oktubre 5, para sa makulay na pagdiriwang ng National Teachers’ Month 2024.
Nakatuon sa temang “Together4Teachers,” ating ipagdiwang at kilalanin ang husay at walang katumbas na dedikasyon ng mga Pilipinong guro na pangunahing katuwang ng Department of Education (DepEd) sa pagtataguyod ng dekalidad na edukasyon para sa lahat ng mga mag-aaral.
Makiisa sa pagbubukas ng NTM2024 ngayong araw, panoorin ang livestream ng Kick-Off Program sa DepEd Philippines official website, Facebook Page, at YouTube Channel.
