IPINAGDIRIWANG ng National Historical Commission of the Philippines (NHCP) ang ika-91 taon nitong pagtuklas, pangangalaga, at pagbabahagi ng ating mayamang kasaysayan at pamana.
Ang NHCP ay itinatag bilang Philippine Historical Research and Markers Committee noong Oktubre 12, 1933 sa pamamagitan ng Executive Order No. 451 ni Gobernador-Heneral Frank Murphy. Ito ay ibinalik bilang isang komisyon sa bisa ng Republic Act No. 10086 na nilagdaan ni Pangulong Gloria Macapagal-Arroyo noong Mayo 12, 2010.
Ang Komisyon ay nagsagawa ng isang simpleng pagtitipon para sa mga empleyado nito nitong Lunes, 21 Oktubre 2024, upang markahan ang okasyon.
Bilang paghahanda sa sentenaryo ng ahensya, ang mga taong 2023 hanggang 2033 ay itinalaga bilang ‘Dekada ng Kasaysayan ng Pilipinas’ sa bisa ng Proclamation No. 396 na nilagdaan ni Pangulong Ferdinand Marcos, Jr. noong Nobyembre 7, 2023.
