“Kailangan tiyakin natin na ‘yung mga nahuhuling drugs ay talagang sinisira at wala nang pag-asa na bumalik pa, na maibenta pa,” hayag ni Pangulong Ferdinand R. Marcos Jr. sa kanyang pagbisita sa incineration facility sa Tarlac.
Siniguro ni PBBM na epektibo ang sistema ng pamahalaan, mula sa pagkahuli at testing hanggang sa pagsira ng ilegal na droga. Tinatayang P9.48 bilyon ang halaga ng 1.53 toneladang Illegal drugs na sumailalim sa chemical testing at inspeksyon ng Philippine Drug Enforcement Agency (PDEA) bago ipasok sa incinerator.
