SA pagdiriwang ng Sheik Karimul Makhdum Day ngayong Nobyembre 7, 2025, nakikiisa si Department of Budget and Management (DBM) Secretary Amenah F. Pangandaman sa mga kapatid nating Muslim sa buong bansa sa pagbibigay-pugay sa unang nagpakilala ng Islam sa Pilipinas — isang haligi ng pananampalataya na patuloy na nagbibigay-inspirasyon ng pagkakaisa at pagmamahal sa ating kultura.
“Even from afar, my heart is one with our brothers and sisters in Tawi-Tawi and Mindanao as we honor Sheik Karimul Makhdum, a Syrian Arab missionary who brought Islam to our shores and helped shape the moral and cultural foundations of our nation. Alhamdulillah for a faith that continues to guide and unite us,” pahayag ni Secretary Pangandaman.
Ang pagdiriwang ay pinangunahan ng National Historical Commission of the Philippines (NHCP) sa pakikipagtulungan sa Provincial Government of Tawi-Tawi at mga Municipality ng Simunul at Sibutu. Bahagi ito ng 2030 Year of Philippine Muslim History and Heritage, isang malawakang programa sa ilalim ng Administrative Order No. 10 (s. 2023) na nagmamarka ng 650 taon ng kasaysayan ng Islam sa bansa.
Muling tiniyak ng DBM ang suporta nito sa mga proyekto para mapangalagaan ang ating pamana at kasaysayan, sa pamamagitan ng maayos na pagpaplano at paggamit ng pondo — kabilang dito ang redevelopment ng Masjid Sheikh Karimul Makhdum Complex at ang Sheik Karimul Makhdum Memorial Site sa Simunul.
Bilang isang Mindanaoan at tanging babaeng Muslim sa Marcos Cabinet, binigyang-diin ni Secretary Pangandaman ang kahalagahan ng pagpapanatili ng mga ambag at pamana ng mga Muslim Filipino.
“This commemoration is not just about honoring the past — it is about uplifting the stories of our Muslim brothers and sisters, recognizing their role in our national narrative, and strengthening unity through remembrance,” ani ng Kalihim.
Ipinunto rin ni Secretary Pangandaman ang patuloy na suporta ni Pangulong Ferdinand R. Marcos Jr. sa komunidad ng mga Muslim — mula sa pagsusulong ng kapayapaan at kaunlaran sa Mindanao hanggang sa pagpapanatili ng kultura at Islamic heritage sa buong bansa.
“We are working to ensure that heritage and history become tools of empowerment, especially for our Muslim communities, women, and youth. The national budget does more than fund infrastructure — it sustains identity, builds understanding, and honors the diversity that defines the Philippines,” pagtatapos ni Pangandaman.
