PABUGSO-BUGSONG ipatutupad ang nakaambang dagdag-presyo sa produktong petrolyo matapos magkasundo ang Department of Energy (DOE) at mga oil companies, upang hindi biglaang maramdaman ng mga konsyumer ang epekto ng sitwasyon sa Middle East sa presyo ng langis.
Hinihikayat din ng DOE ang iba pang oil companies na magpatupad ng katulad na hakbang at ipatupad ang pagtaas ng presyo nang paunti-unti upang makatulong na maibsan ang epekto nito sa mga konsyumer.
Ayon kay Energy Secretary Sharon Garin, ang pagtaas ay unti-unti mula Martes hanggang sa mga susunod na araw.
Samantala, sinabi ng Palasyo na humihiling si Pangulong Ferdinand Marcos Jr. ng emergency powers para mapababa ang excise tax para maibsan ang tindi ng pagtaas ng presyo ng mga produktong petrolyo.
Simula ngayong Martes, Marso 10, 2026 narito ang mga kumpanyang nakikiisa sa hakbang na ito bilang bahagi ng kanilang makataong pakikiambag para sa kapakanan ng mga Pilipinong konsyumer.
Mga naunang nagtaas ng presyo, di palalagpasin
Ayon kay Presidential Communications Office (PCO) Undersecretary Claire Castro may 54 gasolinahan ang nagtaas kaagad ng kanilang presyo kung kaya’t bibigyan sila ng show-cause order.
“The DOE has issued a show-cause order to these 54 gas stations so we can prove whether or not they violated the call not to increase gasoline prices. If it is proven that they have committed fraudulent acts, they can have their transaction permits canceled,” sabi ni Castro.
PNP magbabantay sa mga mapagsamantala
Pinakilos ng Philippine National Police (PNP) nitong Lunes ang mga tracker teams para sa mga gas station sa buong mundo para matulungan ang DOE na mag-monitor ng mga posibleng mananamantala at nag-iimbak ng mga produktong petrolyo.
“That includes [monitoring of gasoline stations, as we are already on] Day Seven of the crisis in the Middle East. Since Day One, that has been the directive of the chief PNP to the Directorate for Intelligence of the CIDG (Criminal Investigation and Detection Group),” sabi ni BGen. Randulf Tuaño, PNP Public Information chief, sa isang press briefing sa Camp Crame. Halaw sa mga ulat ng DOE at The Manila Times