KINILALA si Quezon City Mayor Joy Belmonte bilang isa sa mga awardee ng Equality Champ Awards 2023 dahil sa kanyang suporta at inisyatibo na isulong ang mga programa at polisya na makapagpapabuti ng LGBTQIA+ sector sa lungsod.
Nanguna ang QC sa mga lungsod na nagsusulong ng Gender-Fair Ordinance at naglunsad ng Right to Care Card kung saan binibigyan ng pahintulot ang queer couples na magdesisyon para sa kanilang kasintahan sa panahon ng pagkakasakit.
Iba-ibang selebrasyon din ang idinadaos sa lungsod tulad ng Pride Month at Commitment Ceremony upang ipagdiwang at isulong ang karapatan ng LGBTQIA+.
Patuloy na isusulong ng Pamahalaang Lungsod, sa pangunguna ni Mayor Joy, ang inclusivity, gender equality, at safe space para sa lahat.
