ITINALAGA ni President Ferdinand R. Marcos Jr. si Rolando “Rolly” Toledo bilang acting secretary ng Department of Budget and Management (DBM).
Ibinigay sa kanya ang malaking responsibilidad ng pangangalaga sa pambansang budget—isang tungkuling tugma sa matagal na niyang serbisyo na nakaugat sa pagiging tapat, bukas, at nakatuon sa tao. Naganap ang kanyang panunumpa noong December 9, 2025 sa Malacañang Palace.
“I thank President Bongbong Marcos for the trust he has placed in me. I take on this role fully aware of its weight, and I will repay his confidence with honest, tireless service for the Filipino people,” saad ni Acting Secretary Rolly Toledo.
Hindi lang matagal sa gobyerno si Acting Secretary Rolly—sa DBM na talaga siya lumaki at nahulma bilang public servant.
Nagsimula siya sa DBM noong 1987 bilang Accounts Analyst sa dating National Accounting Office. Halos apat na dekada siyang nagtrabaho— umaangat sa posisyon dahil sa sipag, galing, at integridad.
Kilala rin siya sa gobyerno bilang tagapagtaguyod ng Open Government. Malaki ang naging papel niya sa pagpapalakas ng transparency, accountability, at pakikilahok ng mamamayan sa pamamagitan ng Philippine Open Government Partnership, kung saan nagsilbi siya bilang head ng Secretariat.\
Bilang isang Certified Public Accountant, nagtapos si Acting Secretary Toledo sa University of the East, nagpatuloy ng advanced studies in Development Economics sa UP School of Economics, at nakapagtapos ng Master in National Security Administration sa National Defense College of the Philippines noong 2024.
“To the Filipinos we serve, we give our firm assurance that every peso of the national budget will be translated into real, felt results—jobs created, classrooms built, medicines delivered, and communities strengthened. Especially in uncertain times, we commit to moving faster and fairer so that public resources reach those who need them most,” ani Toledo.
Nagpasalamat din siya sa lahat ng empleyado ng DBM sa kanilang propesyonalismo at dedikasyon. Binigyang-diin niya na ang tunay na lakas ng DBM ay nasa mga taong tahimik na nagtatrabaho sa likod ng bawat programa at proyektong pambansa.
Ang pagtatalaga kay Acting Secretary Rolly Toledo ay patunay ng patuloy na pangako ng pamahalaan na pamahalaan ang pondo ng bayan nang may disiplina, integridad, at mabilis na aksyon—para masigurong bawat pisong galing sa taumbayan ay tunay na napapakinabangan nila.
