INAMIN ni dating Department of Public Works and Highways (DPWH) Assistant District Engineer Brice Hernandez na lahat ng infrastructure project sa Bulacan mula 2019 hanggang sa kasalukuyan ay substandard dahil sa korapsyon.
“We’re investigating flood control, ngayon inaamin lahat ng proyekto, pati classroom, pati hospital, pati tulay, pati kalsada, lahat substandard,” ayon kay Aquino sa Blue Ribbon Committee hearing sa maanomalyang flood control project.
Narito ang naging Q&A nina Sen. Bam Aquino at Hernandez.
Sen. Aquino: Bryce, sinasabi mo lahat ng proyekto ninyo, substandard?
Brice: Opo, your Honor. Kasi lahat po dito may obligasyon na kailangang itago.
Sen. Aquino: Lahat? As in, hindi lang flood control?
Brice: Opo, your Honor. Hindi po na-meet kung ano po yung eksaktong nasa plano, your Honor.
Sen. Aquino: So may plano ang DPWH, mayroong budget ‘yan. Pero dahil yung budget pinaghati-hatian ninyo, sa dulo, walang project na maayos na dumaan sa inyo.
Brice: Wala po.
Sen. Aquino: Yan ang testimony mo ngayon?
Brice: Opo, Sa opisina po namin, your Honor.
Sen. Aquino: At yung hawak mo ulit ay anong mga proyekto, Bryce? Yung hawak ninyo ni Alcantara?
Brice: Meron po mga flood control structures, meron po mga building, meron po mga kalsada.
Sen. Aquino: Pati classroom, kasama dyan no?
Brice: Kasama po, your Honor.
Sen. Aquino: So lahat dyan, substandard?
Brice: Opo, hindi po tumatama sa plano na nakadesign talaga para dito.
Sen. Aquino: Meron ba kayong proyekto na walang porsiyentuhan? Na maayos, na matino, meron ba?
Brice: Wala po, your Honor.
Sen. Aquino: Wala? This is Bulacan o buong Region 3?
Brice: Hindi ko po masabi yung sa ibang lugar, your Honor. Ang sinasabi ko po yung sa nasasakupan po namin, wala po talaga, your Honor.
Sen. Aquino: Meron ho ba kayong komento dito, uh, Secretary Bonoan? Ito, anong years ito, uh, Bryce? Anong years ‘tong pinag-uusapan natin? Anong mga proyekto?
Brice: Mula po nang dumating si Boss Henry.
Sen. Aquino: Which is?
Brice: 2019 po.
Sen. Aquino: 2019 to 2025?
Brice: Up to present po.
Sen. Aquino: Anim na taon walang maayos na proyekto dyan?
Brice: Wala pong tumama kung ano po yun naka-specify sa plano. Hindi po na-meet lahat yun.
Sen. Aquino: At lahat dyan may porsiyentuhan?
Brice: Lahat po, your Honor.
